درجہ بندی( کیلی بریشن) - Calibration

کسی بھی معلوم معیار کے مطا بق کسی آلے کی کارکردگی کی درستگی یا ظاہر ہونے والی آﺅٹ پٹ کی درستگی کو متعین کرنا، کیلی بریشن یا درجہ بندی کہلاتا ہے۔وقت گزرنے کے ساتھ ساتھ کسی بھی آلے کی خصوصیات متاثر ہوتی ہیں۔ خاص طور پر جانچ پڑتال کے آلات سے درست ترین کارکردگی کے حصول کے لئے متواتر اور محتاط درجہ بندی یعنی کیلی بریشن لازمی ہوتی ہے۔اکثر الیکٹرونک مینوفیکچررز اپنے آلات کی کیلی بریشن ہر 90 دن بعد کرتے ہیں۔ زیادہ حساس اور نازک نوعیت کے آلات کی کیلی بریشن اس سے بھی کم عرصے میں مسلسل کی جاتی ہے۔