دوربین

میرے پاس مختلف قسم کے دور بین بنانے کے لیے ایک عربی کتاب ہے، مگر پلے نہیں پڑی..

مجھے یہاں پر ایک آسان طریقہ ملا ہے۔
http://www.exploratorium.edu/exploring/space/activity.html

مختصراً لکھ دیتا ہوں۔

درکار سامان۔ِ

• کسی کا موٹے عدسوں والا پڑھنے کا چشمہ۔ کم نمبر والا بہتر کام کرے گا۔
• ایک محدب عدسہ
• ایک فلیش لائٹ
• چپکانے کے لیے ٹیپ
• باریک کاغذ
• اور مدد کرنے کے لیے ایک دوست

طریقۂ کار

1. نظر کے چشمے کو کسی میز، کرسی یا کسی اور سہارے کے ساتھ ٹیپ کے ذریعے اس طرح جوڑ دیں کہ اس کا ایک عدسہ ہوا میں معلق رہے۔
   
2. فلیش لائٹ کو چشمے سے چار میٹر یا زیادہ فاصلے پر کسی میز پر رکھ دیں اور جلا کر اس کا رخ چشمے کی طرف کر دیں۔
   
3. چشمے کی دوسری طرف (یعنی فلیش لائٹ کی مخالف سمت میں) کاغذ کو پکڑ کر اسے آہستہ آہستہ چشمے سے دور لے جائیں یہاں تک کہ اس پر فلیش لائٹ کی ایک چھوٹی سی تصویر بن جائے۔ یہ چشمے کے عدسے کا نقطۂ ارتکاز (focal point) ہے۔
4. اب اپنے دوست کو یہ کاغذ پکڑوا کر محدب عدسہ لیں اور کاغذ کے پیچھے کے رخ پر (چشمے اور فلیش لائٹ کی مخالف سمت میں) پہنچ جائیں۔ اب محدب عدسے میں سے فلیش لائٹ کی اس روشن تصویر کو دیکھیں اور آگے پیچھے کر کے دیکھیں کہ کس مقام پر یہ تصویر سب سے بڑی اور واضح نظر آ رہی ہے۔
   
5. دوست سے کہیں کہ وہ کاغذ کو درمیان سے ہٹا دے۔ لیکن آپ محدب عدسے میں سے دیکھتے رہیں۔ تصویر اب پہلے کی نسبت کہیں زیادہ روشن نظر آئے گی کیونکہ اب کاغذ فلیش لائٹ سے آنے والی روشنی کو جذب نہیں کر رہا۔
6. اب فلیش لائٹ کا کام ختم ہوا لہٰذا اسے بند کر دیں اور محدب عدسے کو تھوڑا سا اوپر، نیچے، دائیں اور بائیں کر کے فلیش لائٹ کے قریب کی چیزوں کو دیکھنے کی کوشش کریں۔

لیجیے! آپ کی سادہ سی دوربین تیار ہے۔

میں نے اس مضمون کو ترجمہ کرتے وقت تھوڑا مختصر کر دیا ہے۔ آپ اگر پورا مفصل مضمون پڑھنا چاہتے ہیں تو یہاں پر پڑھیں۔
http://www.exploratorium.edu/exploring/space/activity.html

ہاں جی محدب عدسہ وہی ہوتا ہے جو درمیان میں موٹا اور کناروں پر پتلا ہو۔